എന്റെ തോന്ന്യാക്ഷരങ്ങൾ :

എന്റെ തോന്ന്യാക്ഷരങ്ങൾ :

വാരാന്ത്യത്തിൽ നിന്നും വാരാദ്യത്തിലേക്കും,
ഡിസംബറിൽ തുടങ്ങി ജനുവരിയിലേക്കും തീരുന്ന കലണ്ടറുകൾ.
ആഘോഷങ്ങൾ ക്രിസ്മസിൽ തുടങ്ങി പുതുവർഷത്തിൽ അവസാനിക്കണം.
ചന്ദ്രനും സൂര്യനും നക്ഷത്രങ്ങളുമെല്ലാം ഭൂമിയിൽ ഉദിക്കണം.
ആകാശത്ത് നിന്ന് ഭൂമിയിലേക്ക് റോക്കറ്റ് വിടണം .
ആകാശത്തോടി നടന്ന് കടലാസ് പട്ടങ്ങൾ പറത്തണം .
മഴയത്ത് ഉരുകിയൊലിച്ചു വേനലിൽ നനഞ്ഞു കുളിക്കണം.
ആലിപഴങ്ങൾ അടുപ്പിലിട്ടു ചുട്ടു തിന്നണം.
വീശിവരുന്ന കാറ്റിനെയൊക്കെ ഒരു വലിയ കുപ്പിയിലിട്ടു അടച്ചു വയ്ക്കണം.
അപ്പൂപ്പൻതാടികൾ അടുക്കിവച്ചൊരു വീടുപണിയണം.
അക്കങ്ങളെ അക്ഷരങ്ങളെന്നും ,അക്ഷരങ്ങളെ അക്കങ്ങളെന്നും മാറ്റി വിളിക്കണം .
പ്രണയിക്കുന്നവരെകൊണ്ട് മയിൽപീലിക്കുള്ളിൽ പുസ്തകം ഒളിപ്പിക്കണം .
പിന്നെ,,,,,പിന്നെ,,,,ആഹ്ഹ്ഹ്
അച്ഛനേം അമ്മേം കുളിപ്പിച്ച് സ്കൂളിലേക്കും മക്കളെ ജോലിക്കും പറഞ്ഞയക്കണം .
(ഇനിം കുറെ ഉണ്ട് :P )
--കവിത ---