കാക്കാത്തി

കാറ്റുണരും മുൻപേ കുന്നിറങ്ങി വരും

കാട്ടുപൂക്കൾ ചൂടിയ മുടിയും
മുറുക്കി ചുവന്ന ചുണ്ടുകളും
കണ്മഷി പടർന്ന കണ്ണുകളും
സൂര്യനെ വരച്ചു ചേർത്ത നെറ്റിയും
കരിവളകൾ ഇട്ട കയ്യും
നിറയെ കിലുങ്ങുന്ന മണികൾ ഉള്ള കൊലുസും
പട്ടു ചേലയിൽ പൊതിഞ്ഞ ഉടലും
തുണി കൊണ്ട് കെട്ടിയുണ്ടാക്കിയ ...
മാറാപ്പു തൂക്കിയ തോളും
കയ്യിലെന്തിനും പോന്നൊരു വടിയും
ചറ പറ ചിലയ്ക്കുന്ന നാക്കും
കുന്തം കൊണ്ട് കുത്തണ പോലുള്ള നോട്ടവും
ആയിട്ടൊരു കാക്കാത്തി

എന്നും കാറ്റുണരും മുൻപേ കുന്നിറങ്ങി വരും

---കവിത ---