ലിവിംഗ് ടുഗെതെർ

അന്ന്

അമ്മ അന്നൊരുപാട് ചോദിച്ചു ...
എന്താണീ ലിവിംഗ് ടുഗെതെർ എന്ന്
യഔവനത്തിന്റെ തിരക്കിൽ മുങ്ങിനിന്നിട്ടും 
അവൾ വാതോരാതെ ഒരുപാടു പറഞ്ഞു
എന്നിട്ടും മനസിലാകാതെ പോയ
അമ്മയുടെ അറിവില്ലായ്മയെ
നടിപ്പിന്റെ ചെറു ചിരികൊണ്ട്
തോല്പ്പിച്ചിട്ടു അവളാ പടിയിറങ്ങി
പിന്നിലപ്പോൾ തളർന്നുവീണ സ്വപ്നങ്ങളെ
ആരെങ്കിലും താങ്ങിയിട്ടുണ്ടാവുമോ ? .



ഇന്ന്
ഈ റയിൽവേ പ്ലാറ്റ്ഫോമിലെ
തണുത്തു മരവിച്ച സിമൻറ് ബഞ്ചിൽ
പണ്ടേ മരവിച്ച മനസുമായി എങ്ങോട്ടെന്നറിയാതെ
ഇരിക്കുമ്പോൾ അവളോരുപാട് ആലോചിച്ചു
എന്തായിരുന്നാ ലിവിംഗ് ടുഗേതെർ എന്ന്
അതിനുള്ള ഉത്തരം കൊണ്ടവളുടെ
കവിളുകൾ വീണ്ടും കുതിർന്നു ,,,,,,,,,

---കവിത ---