സൌഹൃദം

ഓരോരുത്തരായി വേർപെട്ടുകൊണ്ടിരിക്കുന്നു .കണ്ടുമുട്ടിയതും ആഴത്തിൽ മനസ്സിൽ പതിഞ്ഞതും അറിയാതെയാണ് .എന്നിട്ടും അറിഞ്ഞുകൊണ്ട് തന്നെ ഒരു വേർപാട്‌ വേണ്ടിവരുന്നു .ഇതൊക്കെ ജീവിതത്തിൻറെ ഭാഗമാണെന്നു പറഞ്ഞു പരസ്പരം ആശ്വസിക്കാം എങ്കിലും ഇനിയുള്ള കൂടിച്ചേരലുകളിൽ അവരില്ല എന്നത് ഒരു നൊമ്പരം തന്നെയാണ് .കലാലയ ജീവിതാവസാനത്തോട് കൂടി പലർക്കും നഷ്ടമായിപോകുന്ന ഒന്നാണ് സൌഹൃദങ്ങൾ പക്ഷെ അതിനു ശേഷവും നല്ല സുഹൃത്തുക്കളുടെ കാര്യത്തിൽ ഞാൻ സമ്പന്നയായിരുന്നു ,ഇപ്പോഴും അല്ലെന്നല്ല , പക്ഷെ പല നാടുകളിൽ നിന്ന് വന്ന് ഒരുമിച്ചു ചേർന്നവർ ,അവരിങ്ങനെ പിരിഞ്ഞു പോകുമ്പോൾ ഇനി കണ്ടുമുട്ടും എന്നതിന് എന്താണ് ഉറപ്പ് , സജിതയും ജിബിയും തുടങ്ങി ഒടുവിൽ ഇന്നലെ ശ്രീയും ,ഇനിയും ബാക്കിയായ നല്ല സൌഹൃദങ്ങൾ ഇവിടെ പൂത്തു നില്ക്കുന്നുണ്ട് എങ്കിലും ആരും ആർക്കും പകരമാവില്ലല്ലോ !

--കവിത --