ഒരുക്കം

വലിയ വട്ടമുള്ളോരു ചുവന്ന പൊട്ട് തൊടണം,
വീതിയിൽ കറുത്ത കരയുള്ള ഒരു സെറ്റുടുക്കണം,
ശംഖുപുഷ്പം ചാലിച്ച് കണ്ണുകൾ രണ്ടും ഭംഗിയിലെഴുതണം
രണ്ട് കൈയ്യിലും കുലുങ്ങി ചിരിക്കുന്ന കുപ്പിവളകളിടണം,
പലനിറത്തിലുള്ളവ ,...
നീളത്തിലൊരു ശംഖു മാലകോർത്ത്‌ കഴുത്തിലിടണം,
ചെറുതെന്നലിനും ഇളക്കി മറിക്കാനാകും വിധം,
അര കഴിഞ്ഞ് കിടക്കുന്ന മുടിയിൽ,
ചെമ്പരത്തി താളി തേക്കണം.
വിരിച്ചിട്ട മുടിയിഴയിൽ നിറയെ ഇനിയും വിടരാത്ത
മുല്ലമൊട്ടു മാല ചൂടണം .
മഴ പെയ്ത് തോർന്ന മണ്‍ വഴിയിലൂടെ
ഓർമ്മകളെ താലോലിച്ച് തനിയെ കുറെ നടക്കണം.
പാതിവഴി പിന്നിടുംപോഴും കൂടെ കൂടെ
വെറുതെ തിരിഞ്ഞ് നോക്കണം ,,
പിന്നെ ,,,,,,,,,,,,,,,,,,,,,,,,,,,,

-----കവിത -----11.01.2014