പുരുഷാ നിനക്കായ്‌

അവനെന്നോട് ചോദിക്കാൻ ബാക്കിവച്ചത് !

"പുരുഷനായത്കൊണ്ടു മാത്രം വേദനകളെ അടക്കി വക്കേണ്ടതുണ്ടോ ?

പെറ്റ വയറിനൊരു വേദന പോറ്റിയ കൈകൾക്ക് മറ്റൊരു വേദന അങ്ങനെയും ഉണ്ടോ ?...

വേദനക്ക് രുചി ഒന്നേ ഉള്ളൂ .ഉള്ളുരുകുമ്പോൾ കണ്ണിലൂടെ ഒഴുകുന്ന ഉപ്പിൻറെ രുചി ,പെണ്ണത് നന്നായി വച്ചു വിളമ്പുമ്പോൾ ആണിന്റെ ഉള്ളിലത്‌ ഭാരമുള്ള അടപ്പ് കൊണ്ട് മൂടിവയ്ക്കാറാണ് പതിവ് .

മകളെ എടുത്തൊന്നു വാത്സല്യത്തോടെ ഉമ്മ വയ്ക്കാൻ ,അനന്തിരവൾക്ക് കൂടെ ഒന്ന് ആന കളിയ്ക്കാൻ സഹോദരിയുടെ കൂടെയൊന്നു പുറത്തിറങ്ങാൻ അമ്മയുടെ മടിയിലോന്നു കൊതി തീരെ തലവച്ചുറങ്ങാൻ പുരുഷനായത് കൊണ്ട് മാത്രം എനിക്ക് പേടിയാണ് .

ലോകമേ ഒന്നറിയുക സ്ത്രീയിലും പുരുഷനിലും ഉണ്ട് പതിരുകൾ .മനുഷ്യനിലെ കാട്ടാളത്വത്തെയാണ് കല്ലെറിയേണ്ടതും ഒറ്റപ്പെടുത്തെണ്ടതും പുരുഷനെ അല്ല ."

സമർപ്പണം : നനയാതെ ഈറൻ പേറുന്ന എല്ലാ ആണ്‍ പ്രജകൾക്കും

----കവിത ----------