ഭ്രാന്ത്

കാതിൽ വണ്ടുകൾ മൂളിപറക്കുന്നു
അതാ ആ ശബ്ദം കൂടി കൂടി വരുന്നു
അയ്യോ കാതുകൾ പൊത്തിയിട്ടും ,,,...
ചെവി പറിച്ചെറിയാൻ ശ്രമിച്ചിട്ടും ,,

കണ്ണിനു മുന്നിലൊരു കഠാര
അറിയാതെ കണ്ണുകൾ ഇറുക്കിയടച്ചുപോയി ,
അടഞ്ഞ മിഴികൾക്കപ്പുറം
കഠാരയുടെ നിഴലാട്ടം ഇപ്പോഴും ,,
ഇല്ല , തുറക്കില്ല ,,

ഒരുപാടുപേർ മുന്നിലെക്കടിവച്ചടിവച്ചിതാ
പിന്നിലേക്ക് പോകാതെ വയ്യ
അയ്യൊ , കുതറി മാറാൻ ആവുന്നില്ല

ഇപ്പോൾ എല്ലാം ശാന്തമാണ്‌
മുന്നിൽ ഇരുമ്പഴികളും
കാലിൽ ചങ്ങലയും മാത്രം

---കവിത ---