തൊട്ടാവാടി

തൊട്ടാവാടി നീ എന്തേ ഇങ്ങനെ ?
എൻറെ വിരൽ തൊടുമ്പോൾ
പ്രകൃതിയിലെ ഓരോ പ്രണയവും ഉണരാറാണ് പതിവ്
ഞാനൊന്ന് തഴുകുമ്പോൾ
തുമ്പയും തുളസിയും മുല്ലയും തെറ്റിയും ...
ഒക്കെ പൂത്തുലയുന്നത് നീയും കാണുന്നില്ലേ
നീ മാത്രമെന്തേ എൻറെ സാമിപ്യത്തിൽ
ഇങ്ങനെ നാണം കൊണ്ട് കൂമ്പി പോകുന്നു
ഒരിക്കലെങ്കിലും നീ ചിരിച്ചു നിൽക്കുമ്പോൾ
എനിക്ക് നിന്നോട് പ്രണയം പങ്കുവക്കാനാകുമോ,
വാടിയ നിന്നെ പുണരാനെനിക്കിനി വയ്യ
നിന്നോടുള്ള എൻറെ പ്രണയം ഞാനിവിടെ
മറന്നു വയ്ക്കട്ടെ,,,,,,,,

--കവിത ---31.12 .2013