ജാതകദോഷം

ഐ സി യു വിൻറെ പുറത്ത് കരച്ചിലടക്കി ,
നിൽക്കുമ്പോൾ പ്രാർത്ഥിക്കാൻ പോലും മറന്നു

കൂടെ നിന്നവർ ഒന്നും മറന്നിരുന്നില്ല
ശാപവാക്ക് ആവർത്തിച്ച് ഉരുവിടുകയും
ജാതക ദോഷം പേറുന്നവളെ
വാക്കുകൾ കൊണ്ട് തീയിടുകയും ചെയ്ത്,
എന്നത്തേയും പോലെ അവരിതും
ആഘോഷിച്ചു
...
ജാതകത്തിൽ ചെറിയ പൊരുത്തകേടുണ്ടല്ലോ
ഓ ,ഇപ്പഴത്തെ കാലത്ത് അതിലൊന്നും
ഒരു കാര്യവുമില്ലെന്ന് ചെറുക്കൻ കൂട്ടർ
അവരൊക്കെ നല്ല വിവരമുള്ള കൂട്ടരാ
കേട്ടില്ലേ പറഞ്ഞത് ,കാരണവൻമാരുടെ
മുഖത്തഭിമാനം .

"ബോധം വീണിട്ടുണ്ട് ഒരാൾക്ക് കേറി കാണാം
ഭാഗ്യം കൊണ്ടാ രക്ഷപ്പെട്ടത്"
എല്ലാരും കണ്ടിറങ്ങി
അകത്ത് കിടന്ന് ആ കണ്ണുകൾ
ആർത്തിയോടെ തിരഞ്ഞത്
ജാതകദോഷം പേറിയ ഈ മിഴികളായിരുന്നു

---കവിത ---