മഴവില്ലുകൊണ്ടൊരു ഊഞ്ഞാൽ

ദേ കണ്ടോ ,എത്ര ചേലോടെയാണ്
ഈ മാനം "റാ " വച്ചേക്കണത്
അതും ഏഴ് നിറങ്ങളിൽ ഉള്ളത് !

അതൊന്ന് തിരിച്ച് പിടിച്ച്...
വിണ്ണിലൊരു ഊഞ്ഞാലു കെട്ടി -
മതിവരുവോളം ഉയർന്നുയർന്ന് ആടണം .

ഓരോ ആട്ടത്തിലും പഞ്ഞികെട്ടുകൾ
കാലുകൊണ്ട്‌ തട്ടിതെറിപ്പിക്കണം
ചന്ദ്രൻറെ മാളികയിലും സൂര്യന്റെ കൊട്ടാരത്തിലും
അവരറിയാതെ എത്തി നോക്കണം

പൂത്തു നില്ക്കുന്ന നക്ഷത്രങ്ങളിൽ ഏറ്റവും കുഞ്ഞിനെ
എടുത്ത് നെറ്റിയിലൊരു പൊട്ട് തൊടണം
ചന്തമുള്ളോരു നക്ഷത്രപൊട്ട് !

--------കവിത---------22 .07 .2013