സത്യം !

തെളിവുകൾ കൊണ്ട് മുറി നിറഞ്ഞു
ഒറ്റപ്പെട്ടു നിൽക്കുന്ന സത്യത്തെ ആരും കാണുന്നില്ല
ഞാൻ എങ്ങനെ കാണും ...
എൻറെ കണ്ണുകൾ ഈ കറുത്ത തുണിയാൽ മൂടിയിരിക്കുകയല്ലേ
കയ്യിലെ ത്രാസിൽ സത്യവും തെളിവുകളും കയറി ഇരുന്നു
സത്യത്തിൻറെ തട്ട് പൊങ്ങി പോകുന്നു
തെളിവുകളുടെ ഭാരം താങ്ങാതെ തട്ടിതാ താഴുന്നു
കണ്ണുകെട്ടിയിരിക്കുകയാണ് എന്നിട്ടും അക കണ്ണിലൂടെ
കണ്ട കാഴ്ച്ചയിൽ ഉയർന്ന തട്ടിൽ തലയുയർത്തി നില്ക്കുന്ന സത്യമേ നീയാണ് വിജയി .
കണ്ണുതുറന്ന് പിടച്ചവർ അപ്പാടെ ഓതുന്നു
"എന്തോരം തെളിവാ, സത്യം കള്ളനാ , കണ്ടോ ഒറ്റയ്ക്ക് ,,,! "
ഈ നീതിദേവതക്ക് മുന്നിൽ ഒരിക്കൽ കൂടെ തോറ്റ്
സത്യം പുഞ്ചിരിയോടെ പടിയിറങ്ങി .

---കവിത ----