എൻറെ പരിഭവം

എൻറെ ഓർമ്മകൾക്ക് ചിറകുമുളക്കുമ്പോഴോക്കെ ആദ്യമത് ഓടി പോകുന്നത് ആ പടികെട്ടുകൾ ഇടിഞ്ഞുകിടക്കുന്ന കുളപടവുകളിൽ ഒന്നിലേക്കാണ് .
എൻറെ പകലുകൾ പകുതിയും അവിടെ ചെന്നു വെറുതെ മുഖം നോക്കിഇരിക്കാറുണ്ടായിരുന്നു .
അപ്പോഴൊക്കെ വെറുമൊരു കല്ലുകൊണ്ട് നീ എൻറെ മുഖമിളക്കി മറിച്ചിട്ടുണ്ട് .
ഉടഞ്ഞ മുഖംനോക്കി പരിഭവിച്ചപ്പോഴോക്കെ ഒരു കണ്ണുപൊത്തലിൻറെ ഇടവേളയിൽ നീയതു നേരെയാക്കി തന്നു .
ഇന്നു ഉടഞ്ഞത് എൻറെ മനസാണ് ഒരുകാലടിയോച്ചയിൽ അതിനി നേരെയാകുമോ,,,,,

---കവിത ---