സദാചാരം

കണ്ണുകൾ തീർത്ത ശക്തമായ വേലികെട്ടുകൾക്കുള്ളിൽ
അവളെന്നും" സുരക്ഷിത" ആയിരുന്നു
ആ വലിയ വീട്ടിൽ ഒരുചെറു ഇല അനങ്ങിയാൽ പോലും ...
അവരതറിഞ്ഞിരുന്നു , എന്നിട്ടും
അവൾക്കൊരു പനി വന്നതാരുമറിഞ്ഞില്ല
നിന്നു പെയ്ത തുലാവർഷം നിർത്താതെ
അവളെ നനച്ചതും ,പട്ടിണിയെ അവളപ്പാടെ
വിഴുങ്ങിയതും ഒന്നുമവരറിഞ്ഞില്ല എങ്കിലും
അന്നു സന്ധ്യക്ക് അവളെത്തേടി അവൻ
വന്നത് എല്ലാരുമറിഞ്ഞു .
അവനിപ്പോൾ അടുപ്പിച്ചു രണ്ടുനാളായി
വന്നുപോകുന്നു ,,,




---കവിത---